Plantun de Prouvènço

Pèr coumpara dos planto d'encò nostre

Vicia narbonensis subsp. serratifolia & Sorbus aria

Vicia narbonensis subsp. serratifolia

Fabaceae Leguminosae

Noms en français : Vesce de Narbonne, Vesce à feuilles dentées.

Descripcioun :
La favo-fèro douno d'èr à la favo emé si gros fueioun groupa pèr quatre o sièis (encò la subsp. serratifolia. Lis estipulo e li flour de 2 à 3 cm soun grando peréu. Trachis en ribo de champ. La subsp. serratifolia se recounèis à si fueioun denta (au contro de la subsp. johannis) e à si flour touto vióuleto. Coumpara emé la subsp. johannis.

Usanço :
Ramenten qu'èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).

Port : Erbo
Taio : 20 à 50 (70) cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Vicia
Famiho : Fabaceae
Famiho classico : Leguminosae

Ordre : Fabales

Coulour de la flour : Vióuleto
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 600 m
Aparado : Noun

Liò : Champ - Camin
Estànci : Termoumediterran à Subremediterran
Couroulougi : Pancaro entresigna
Ref. sc. : Vicia narbonensis subsp. serratifolia (Jacq.) Ces., 1883

Aliguié

Sorbus aria

Rosaceae

Àutri noum : Aligié, Aliguié rouge, Alouchié, Ariguié, Aubaliguié.

Noms en français : Alisier blanc, Alouchier.

Descripcioun :
L'aliguié o aligié es un pichot aubre coumun de colo e mountagno. Li fueio soun entiero, dentado e proun blanco dessouto. Li bourroun pegon pas jamai. Li fru rouge deforo e jauno dedins soun manjadis.

Usanço :
"Leis aligié fan de pigno de fruit jaune aqui, quand soun madur [...], leis auceloun òu manjon bèn acò ; es un aubre que pouò veni gros." (D. Camatte, Senès in J.-L. Domenge, EbV, op.cit.). Li fru (alijos), soun astringènt, devènon manjadis un cop a jala. A passa tèms, di tèms de carestié, lis alijo secado e mòuto, mesclado à la farino d'òrdi, servien à faire de pan.